Shiva Temples of Tamilnadu

கூடுதல் குறிப்புகள்

ஆலயத்தின் இன்றைய நிலை

அப்பர் பெருமானால் வைப்புத்தலமாக குறிப்பிடப்பட்ட இத்தலம் இன்று முற்றிலும் சிதிலமடைந்து காணப்படுகிறது. மற்ற எல்லா சந்நிதிகளும் இடிந்து விட்ட நிலையில் இறைவன் கருவறை மட்டும் இன்று வரை தாக்குப் பிடித்துக் கொண்டு செங்கல் சுற்றுச் சுவற்றுடன் காணப்படுகிறது. இறைவன் கருவறைக்குள் இறைவன், இறைவி மற்றும் விநாயகர் சந்நிதிகள் வைக்கப்பட்டுள்ளன. இங்கிருந்து மிக அருகிலுள்ள குறுமணங்குடி என்ற தலத்திலுள்ள சிவாலயம் நன்றாக பராமரிக்கப்பட்டு வருகிறது. குறுமணங்குடி தலத்து அர்ச்சகர் தான் இறையான்சேரி தலத்திற்கு வந்து ஒரு கால பூஜையை செய்து விட்டு செல்கிறார்.

இதே பெயரில் மற்றொரு தலம்

சிவகங்கை மாவட்டத்தில் தேவகோட்டைக்கு அருகில் இறையான்சேரி (இறகுசேரி) என்ற பெயரில் ஒரு ஊர் உள்ளது. இவ்வூரிலுள்ள சிவாலயத்தில் உள்ள இறைவன் மும்முடிநாதர் என்றும் இறைவி சௌந்தர நாயகி என்றும் வழிபடப் படுகின்றனர். இத்தலமும் இறையான்சேரி வைப்புத் தலமாக போற்றப்படுகிறது.

இப்பதிகத்தில் குறிப்பிடப்பட்ட பிற வைப்புத் தலங்கள்

இந்த வைப்புத் தலத்தைக் குறிப்பிடும் பதிகப் பாடலில் கூறப்பட்டுள்ள எச்சில் இளமர், ஏமநல்லூர், அளப்பூர், ஆறை, கச்சிப்பலதளி ஆகியவையும் தேவார வைப்புத் தலங்களாகும்.